Aizawl: Mizoram University hnuaia graduate topper mi paliten nimin khan Mizorama hralh chhuah turin Maruti Suzuki Grand Vitara an khuh hawng.
Grand Vitara khuhhawnna Nexa Showroom, |huampui, Aizawla neih hi Angelina VL Hriatpuii’n a kaihruai a, khuallian graduate topper mi pali – Lalruatsanga, Pachhunga University College; Lalparvuli, Govt Zirtiri Science College; Lalmalsawmi, Govt Hrangbana College leh Lalremkimi, Govt Zirtiri Residential Science College ten Grand Vitara hi an khuh hawng a ni.
Khualzahawm, Human Resource & Development Board Vice Chairman L. Thangmawia’n graduate topper-te chu an kal zelna turah duhsakna hlanin GIG Motors-in zirna lama mi hlawhtlingte ngaihsanna leh chawimawi nachang an hria chu lawmawm a tih thu a sawi.
Car chanchin sawitu, Bch-a, The Aizawl Post chuan Grand Vitara chu Mild Hybrid (Manual Transmission), Mild Hybrid (Automatic Transmission), Mild Hybrid All Grip leh Intelligent Electric Hybrid (eCVT) te a awm tih sawiin, a chuangte himna atan a ke hma leh hnungah disc brake neiin, three point seat belt a nei tih leh changkang taka thuam a nih thu a sawi a. GIG Motors CEO John Lalpeka pawhin thu a sawi bawk.
Maruti Suzuki Grand Vitara hi compact SUV a model a zirin showroom-ah Rs 10,45,000 atanga Rs 19,65,000 man an ni.