Power Minister R Lalzirliana chuan nimin tlai Bawngkawn Badminton Club 2022 tournament kharna programme, Hangi Lunglentlangah a hmanpui.
Bawngkawn Badminton Club hi kum 1973 khan din a ni a. Tun dinhmunah member 140 an awm mek. Bawngkawn Vengchhung mite bakah veng thenawm Zemabawk, Falkland, Chaltlang leh Edenthar atang te pawhin he club-ah hian an tel a ni. Tun tum tournament hi September 19 khan khelh tan a ni a, match 234 an khel a ni.
Tournament kharna inkhawm hi BBC President Er H. Lalnunzira’n a kaihruai a. An pawl Secretary Pu Zohmingliana’n report a pe a ni.