Italian football club Fiorentina in Europa Conference League-ah Scottish club Hearts of Midlothian an hmachhawn a. An khingpuiten second half tlem zawka an khelh hma pawh a chungnung zawk niin 3-0 in an chak.
Tynecastle Park a inkhelah La Viola in minute 4-naah midfielder Rolando Mandragora hmangin goal an khung a. Minute 42-naah forward Christian Kouame chuan an goal hnihna a khung.
Second half tan tirah Hearts defender Lewis Neilson chu hnawhchhuah a ni zui a. Hemi hnu hian huntha bawhpelh ngun tak striker Luka Jovic chuan an goal thumna a khung.
Fiorentina hian season bul an tan tha lova, Hearts nen an inkhelh hma hian match 10 atang vawi khat chiah chak an nei.
Spanish club Villarreal in tun season chhunga an mual atana an hman tur Ciutat de Valencia-ah Austria Vienna an mikhual a. José Luis Morales hattrick hmangin 5-0 in an chak.