Chuai thei lo, Er. F.Sanglura ‘Damtakin’ hla thar, B.Sangmawia phuah chu Music Video Youtube ah en theih a ni ta. A leikapui ruih dawn.
He hla hi inthlahna lam hla a ni a, hla thu a tha in a mawi hle.
He tiang hla hi Mizo te lunglen zawng ber, ‘Leikapui’ style niin, a phuahtu B. Sangmawia, Zohnuai Lunglei hian ‘Damtakin’ tih hla hi, ‘Sa ve chhin teh. I aw nen pawh a inhmeh in ka ring,’ a ti a, Sanglura pawh hian mawi fahranin a chhuah ta a ni.
Video hi Zovavideography kutchhuak niin, music & record herawh Zozial Studio Innovations kutthlak a ni thung.
Sanglura hian Rock hla, ‘Stage zawl laiah’ music video a buaipui leh mek a, ‘Lamtualah’ tih hla pawh Zozial Band, New Serchhip nen an buaipui tlut tlut mek bawk.
F. Sanglura Band bik chuan Lalnunpuia (Tuka) Drummer hriatrengna hla, ‘Mitthla’ record bawkin, tunlai chu an tul miah miah thei hle.