Aizawl: Tun hnaia BJP office bearer siksawi chhan sawiin BJP Mizoram Pradesh President Vanlalhmuaka chuan nakkum MLA inthlanah sorkarna an siam theihna turin a tul angin an insiam rem zel dawn tih a sawi.
Atal Bhawan-ah chawlhkar thar inhlanna hun an neihah nimin khan thu sawiin, “BJP Mizoram Headquarters chu Pu BL Santhosh, National GS leh Dr. Sambit Patra, NE Co-ordinator te rawn kalin kum 2023 General Election lo awm turah sorkarna kan siam ngei theih nan OB tihlen niin kan insiam thar a. District-ah pawh insiam that ngai a awm chuan a tul angin kan insiam tha zel dawn a ni,” a ti.
Vanlalhmuaka hian BJP hi an thang zel a, thingtlang mai ni lo, Aizawla cheng pawhin an mamawhzia an hre zel tih a sawi a. Ram hmasawnna chanchin tha hril turin party member-te an thawh a ngaih thu leh zam mai lo turin a chah.
BJP president hian Mizoram sum dinhmun a that loh vangin eichawp zawng te, kut hnathawkte leh sorkar hnathawk thlengin an mangang ta niin a sawi a. “Kan ramin hma a sawn theihna turin kan thawk mawp mawp ang a, mi retheiten lei rem kan rah theihna turin hma kan la zel dawn,” tiin, tuna gas leh buhfai chheprel an tihtawp avangin mi retheite tan gas leh buhfai a thlawna sem a ni chu central hmalakna niin a chhawrtute chu miretheite an nih thu a sawi.