Aizawl : PC party-in ILP (inner line permit) check ngun leh zual tul an tih thu an sawi a. Aizawl veng hrang hrang leh district khawpui hrang hrangah hnamdang sumdawng leh hna hrang hrang thawka awm an pung hle nia sawiin, ngaihṭhatthlak loh an tih thu an sawi.
Hnamdang ualau taka sumdawng leh hna hrang hrang thawka awm te chu a rang lama enfiah turin thuneitute an ngen a ni.
Vairengte leh a chhehvel atanga hnamdang dan lova Mizorama lut an awm ngeia lan avangin dap chhuah runpui nei turin sorkar an ngen bawk.