Italy-ah Napoli in league a hma an hruaina an chhunzawm a. Cremonese lakah huntawp dawnah goal hnih khungin 4-1 in an chak.
Pathianni zana Stadio Giovanni Zini a inkhelah Napoli hian an inkhelh hma in an hnuai ami Atalanta in Udinese laka point an hmuh hman avangin pahnihna a awmin bul an tan.
First half-ah Matteo Politano penalty khung hmangin hma an hruai a. Mahse hei hi mualneitu lamin halftime zawh veleh Cyriel Dessers hmangin an sut.
Mahse second half-ah Napoli an chungnung chiang a. Giovanni Simeone hmanga minute 76-naah hma an hruai nawn leh hnuah huntawp dawnah Hirving Lozano leh MathÃas Olivera ten goal khat ve ve an khung belh.
Pathianni zan inkhel dangah AS Roma pawhin an mualah hnehna an chang a. Chris Smalling leh Paulo Dybala te goal hmangin Lecce 2-1 in an hneh a. Goal khungtu Dybala erawh inhliam avangin a inkhel zo lo.