Cinema hall-ah che chhiain, India box office-ah vaibelchhe 70chauh lalut thei, ‘Laal Singh Chaddha’ chu tun kartawp khan Nexflix India-ah en hlawh ber a ni.
Hollywood film lar tak, Oscar award winner ni bawk, ‘Forrest Gump’ behchhana siama ah hian Aamir Khan chu a changtupa a ni a, tlangzarh hma hauh atanga boycott thlipuiin a nuai vangin ramchhungah a flop chiang hle.
Thla ruk hnu ah chauh Netflix-ah dahchhuah tum mah se, sumdawnna a nih miau vangin hreh tak chunga dah niin, October 8-9 (weekend)-ah khan Indian mipuite’n Netflix-ah an fil en nasat ber a ni ta tho.
Hei hian zawhna tam tak a thlen a, ram leh hnam thila Aamir Khan-a tawngchhuah dan leh khawsak dan ei loh vanga a film thar, budget tam tak senga siam boycott tura nawr niin, an hlawhtling ta reng a, Aamir Khan tan pawh hlohn nasa tak niin, a hnual chiang hle.
‘Laal Singh Chadda’ hi Riteish Deshmukh channa, ‘Plan A Plan B’ chungah awmin, Mila Kunish film, ‘Luckiest Girl Alive’ pawhin a khum thei hek lo.