Aizawl: February 25, 2021-a Kepran khaw mi, lo halnaa vanduaina tawka thi, Zamawia chhungte hnenah nimin khan Environment, Forest & Climate Change (EF&CC) Minister TJ. Lalnuntluanga’n department kaltlanga sorkarin a ralna Rs. nuai 2 a pe.
Lo halna vanduaina tawk Zamawia ralna hun hi EF&CC Minister office-ah neih niin, ralna sum chu EF&CC minister-in Zamawia fapa K. Lalbiakhluna kutah a hlan a ni.
EF&CC minister chuan kangmei avanga nunna chan chhungte Mizoram sorkarin a tawrhpui thu sawiin, tihfel ngai tam tak a awm avangin inralna hun chu a khawtlai ta deuh tih a sawi bawk.