Tui hna humhalh leh ruahtui khawl kawnga sorkar laipui hmalakna Jal Shakti Abhiyan : Catch the rain-a Central nodal officer, Director, Ministry of Minority affairs Pawan Kumar leh Central technical officer Dy Director, Central water commission (CWC), Ministry of Jal Shakti, Jeeta Ram ten nimin khan Lunglei district-a hmalakna hrang hrang an enfiah.
Central nodal officer-te hian Lunglei district hmalakna chu tha an tih thu leh hmachhawp te pawh tha taka kalpui chhunzawm zel turin an chah a. Jal Shakti Abhiyan chu project dangte nena convergence a kalkawp tir turin Line deptt. official te chu an chah bawk.
Jal Shakti Abhiyan district nodal officer Er Zodingpuia’n Lunglei district-a hmalaknate sawifiahin, Lun- glei district-a lui, tui- khur, dil leh tui awm theihna dang te chu GIS mapping hmanga chhinchhiahin, line department-te water body database mumal tak an neih thu a sawi a. Tui chungchang zirna hmunpui ‘Jal Sha- kti Kendra’ pawh PH- ED rural watsan Lunglei office-ah ruahman a nih thu leh tui hna humhalh leh ruahtui khawl kawngah a duh apiang tan rawn theih an nih thu a sawi.
Jal Shakti Abhiyan thiltum te tihlawhtling turin District level convergence committee for Jal Shakti Abhiyan dina department-te an thawhho thu a sawi a. HPC Lunglei kaltlangin ruahtui kh- awl leh tuikhur siamthat project Rs. nuai 100 man kalpuiin, kuminah Lunglei khawpui chhung hmun rukah ruahtui dah khawlna leh kangmei chhuah thulha hman tur tui dahkhawlna pahnih ruahman a nih bakah, tuikhur pariat cheithat a nih thu a sawi.
Rural development department hmalaknain Lunglei district hmun 45-ah tui hna humhalhna Amrit Sarovar project kalpui tawh a nih thu leh hmun 30 dangah kalpui leh a nih tur thu a sawi a. Jal Shakti Abhiyan : Catch the rain hnuaia tui hna humhalh leh ruahtui khawl pawimawh chungchang inzirtirna awareness campaign pawh khaw hrang hrangah North East Initiative Development Agency (NEIDA)-in an kalpui thin thu a sawi bawk.