Health Minister Dr R Lalthangliana’n nimin khan N. Vanlaiphai PHC leh a bial chhung khaw thenkhat a tlawh a, Mizorama khaw 237-ah health clinic hawn a nih tawh thu a sawi.
N. Vanlaiphai PHC a thawktuten health minister hnenah hian an mamawh hrang hrangte an lo thlen a, ambulance an dil chu a rang thei anga tihsak an nih tur thu sawiin kumin chhung ngeia free clinic an buatsaihna tura hmalak a tum thu a sawi bawk.
A bial chhung – Cherhlun, Ngharchhip leh New Ngharchhip pawh tlawhin Dr R Lalthangliana chuan a bial chhungah khaw lian deuh pan thei lo khaw tê zawk tan health clinic pasarih an siam thar thu leh Mizorama khaw 237-ah health clinic a awm thar mek thu a sawi a. Health clinic-ah chuan health worker awmin dawhkan leh steel almirah pawh dah tel a nih thu a sawi bawk a ni.