- Ruata
Mizoramah pawh an lirthei kan hmuh ve nual tawh Morris Garages (MG) electric lirthei thar tur MG City compact electric vehicle chu tlangzarh tura buatsaih mek a ni a. Nakum kumtir lamah khawvel pum huapin phochhuah a ni ang a, nakum kum laihawlah chuan a lei theih tawh beisei a ni.
City EV hi MG atanga electric lirthei pahnihna tur a ni a. Hei car thar tur hi compact 2 door city car tur niin Wulung Air EV nghahchhana duan tur a ni a, Wulung Air EV hi Indonesia-ah a chhuak mek tawh a ni. Tata Tiago EV te nen pawha khaikhin theih a ni tho na a, heng hi chu petrol leh diesel (ICE) hmang ho pawh awm tel a nih avangin khaikhin lutuk theih a ni dawn lo a ni.
He MG electric lirthei thar tur hian dual-screen infotainment system, 10.25-inch screen pahnih – pakhat touchscreen leh a dang leh chu instrument cluster te a neih hmel a. Hei bakah hian MG full suite connected car tech, electronic parking brake, rotary drive selector, leh thil hrang hrang a nei nual dawn a ni.
Tarlan tawh angin MG electric lirthei thar tur hi an lirthei dang chhuak sa ruangam rin a ni dawn lo a. A car hi te deuh mahse hmun awl a tam thei dawn a, ICE lirthei, electric awm tel ang nilovin a hran hlak a nih dawn avangin a chhung hi a zim chhe dawn lo a. Hei bakah hian kawngka pahnih chauh awm a ni dawn a, hei hi khawpui chhunga veivah zung zungna atanga tangkai tur leh a lirthei ti te tu tur a ni dawn a, nitin hnaa kal nan chuan a tha viau dawn a ni.
He lirthei man to lutuk tur tihniamtu tha tak mai chu a lirthei part tam zawk atana ramchhunga hmanrua an hmang tur hi a ni a. A battery pack bakah a part hrang hrang hi India rama siamchhuah a hmang hnem dawn a ni. Report thenkhatin an tarlan danin MG hian ramchhunga siamchhuah Tata AutoComp siam battery pack a hmang dawn a ni.
MG hian an electric lirthei chhuak mek ZS EV hi kumin kum chanveah khan 1,591 an hralhchhuak a. Hei hian an beiseina pawh a tisang viau a, tuna EV component hrang hrang supply a that avangin kumin chhoah hian 6,000 hralh tlin an tum mek a ni.
Tunah hian MG India hian Astor, Hector, Hector Plus, Gloster leh ZS EV te an hralhchhuak mek a ni.