India-in 95th Academy Award (Oscar)-a Best International Feautre Film huanga a chawpchhuah ‘Chhello Show’ -a inlan naupang actor pakhat chu a thi.
Gujarati film hmuhnawm leh ngahhlehlawm tak ni bawk hi October 14-a tlangzarh tura ruahman a ni a, chutih rualin, naupang actor Rahul Koli chu tunhnai khan a thi a, kum 10 mi chanchin hian mi tam tak a barakhaih.
Ani hi thisen cancer (leukemia) vanga hun eng emaw chen a dam loh hnu-ah a chenna Hapa khua ah a thi ta a ni.
Rahul-a pa hi Ramu Koli hi rickshaw khalha chhungkua chawmtu ber a ni a, ‘October 14 atang chuan kan chhungkaw nun a danglam vek tawhdawn,’ tiin a thiantha te a hrilh fo a, mahse rin lo tak leh vanduaithlak takin an fapa chhuanvawr em em mai, lemchan khawvel zau zawka inlan mai tur chuan hun lo takin a kalsan ta a ni.