Aizawl : Lunglei Bawrhsap Pisa-in nimin khan an kum 50 tlin an lawm a. Lunglei Bawrhsap Pisa Golden Jubilee lawmna hi Minister C. Lalrinsanga’n hmanpuiin, Golden Jubilee Monument a hawng.
Minister C. Lalrinsanga chuan kalkhawmte Golden Jubilee chibai bukin, “he mellung pawimawh tak hian DC office-a thawkte chu phur tharna leh thahnemngaihna thar a pek ngei ka beisei” a ti a. DC office chu disrict inrelbawlnaa pisa pawimawh ber leh district hmasawnna tura mawhphurna sang tak nei a nih thu sawiin, thawktute chu mipui rawngbawltu pawimawh tak an ni tih inhre thar turin a fuih bawk.
Lunglei Bawrhsap Pisa Golden Jubilee lawmnaah hian Lunglei HPC Vice Chairman Lawmawma Tochhawng, Lunglei Bawrhsap Pisa-a thawk te leh pensioner te, Lunglei district-a sorkar deptt. hrang hrang hotute leh sawm bik dangte an tel a ni.