Aizawl: Mizoramin state hmasawnna tak tak thlen turin BJP chief minister ngei a mamawh niin BJP Mizoram Pradesh President Vanlalhmuaka’n a sawi.
BJP State General Secretary Malsawmtluanga kaihhruai BJP party chhung inkhawm nimina neihah thu sawiin Vanlalhmuaka hian BJP thutiam pawimawh em em chu ‘ram leh hnam dah hmasak’ tih a nih thu a sawi a. “Kan ram neihchhun Mizoram hi kan dah hmasa ber a, kan ram leh mipuite hmasawnna thlensak hi kan hna pawimawh ber tur a ni. CM nih hi thil namai a ni lo a; nimahsela, Mizoram chuan kan state hmasawnna tak tak thlen turin BJP chief minister ngei kan mamawh a ni,” a ti.
Mi retheiten leirem an raha an chanvo an chan theih nan Mizoramin BJP a mamawh a, state-ah a sorkar a tul tih a sawi.
Inkhawmah hian Vanlalhmuaka hian an party-ah mi thar lawm lut nghal bawkin, lawm luh tharte hnen atangin thusawi an ngaithla bawk.