Ultimate Fighting Championship chuan December thla a Las Vegas a inelna a buatsaih turah light heavyweight championship rematch a telh dawn a. Jiri Prochazka leh Glover Teixeira te an intum leh dawn.
December 10 a UFC 282 a intum turin fighter pahnihten contract la ziak chiah lo mahse inbiakna a kalthui tawh a, T-Mobile Arena-ah inhmachhawn tura tih an ni ang.
June thla khan UFC 275-ah fighter pahnihte hi intum tawhin 29-3-1 record nei Prochazka hian round ngaah Teixeira hi submission hmangin a hneh a. An pahnih inhmachhawn hmuhnawm hle in kut an inthlak tawh nasa.
Czech Republic chhuak fighter Prochazka hian kum 2020 a UFC a zawm hnuin hnehna a la chang vek a. A zanwin Teixeira, Dominick Reyes leh Volkan Oezdemir te lakah a tawp thlen ngai lovin a chak vek thei.
Kum 42 mi ni tawh 33-8 record nei Teixeira hian a MMA zinkawng tawp lam zawh tawh mahse tunhnaiah a chetthat ber lai a hmang mek a. Kum 2021 October khan Jan Blachowicz barakhaih in UFC title a chhuksak. Prochazka a hneh loh hi kum 2018 hnua a tlawm leh hmasak ber a ni.
282-ah hian light heavyweight-ah champion hlui Blachowicz leh Magomed Ankalaev te intum tura buaipui an ni bawk.