Aizawl : Pachhunga University College National Service Scheme (NSS) unit-in nimin khan an kum 50 tlin an lawm a, Rajya Sabha MP K Vanlalvena’n hmanpuiin, Jubilee lungphun a hawng.
K Vanlalvena chuan PUC-a lehkha zir thin a nih thu sawiin, PUC chu Mizorama college ding hmasaber leh NSS din hmasakna berna a nih thu a sawi a. NSS hmalakna avanga PUC-in campus-ah ngaw tha tak a neih thu sawiin, “PUC campus a hrin dup theihna tur hian NSS-in hma an la nasa a, tunah chuan Aizawl tinuamtu a ni,” a ti.
PUC NSS Golden Jubilee lawmna inkhawm hi NSS programme officer Dr K Vanlaldinpuia’n kaihruaiin, NSS NSS programme officer zinga national award dawng tawh pahnih – Dr Lalthankungi leh Dr Zoramdinthara ten thu an sawi bawk.
Golden Jubilee denchhen hian PUC NSS chuan essay, poetry leh lemziaka inelna an buatsaih a, Golden Jubilee lawmnaah hian lawmman sem nghal.