US leh khawvelpum huap ang pawha talent show lar tak ‘American Idol 2021 finalist Willie Spence chu lirthei chesualah a thi.
Kum 23 mi leka upa hi Tennesse atanga Atlanta, Georgia panin a lirthei hman SUV nen a inkhalh chhuak a, vanduaithlak takin a lirthei hi kawngsir lamah chak taka inher thutin, a bul hnaia ding lirthei dang chu na takin a su bur mai a ni.
A chhungte sawi danin, chetsualna thlen hma Ni hian Spence-a SUV ke hi a thep a, an siam tha ngei nia a lan laiin, heti ang hian vanduaina a tawk leh ta si a, lirthei ke (tire) hi an siam fuh tawk lo em ni ang, tih ah zawhna a tam hle.
A chetsual thu hian fan te leh rimawi ngainatute a barakhaih hle a, zaithiam la naupang tak mai, hmabak eng bawk si thihna hi a chhungte phei chuan an hrethiam thei lova, mittui nen hun hrehawm tak an hmang chho mek a ni.