FC Venghnuai in hmalam an pan zel a, hmasawnna kawng zawh chhunzawmin result tha tak mai an nei. Mizoram Police lakah point thum hmu in 2-1 in hnehna an chang.
Thawhlehni a Zote Honda Mizoram Premier League Season 9 round 8-na inkhel hmasa berah Venghnuai in second half a Vanlalthanga goal khung an chakpui a. Pahnihnaah an inhlangkai lailawk.
Rajiv Gandhi Stadium a inkhelah first half-ah goal a lut lova, second half-ah tunhnaia che tha zual Venghnuai player pawimawh tak C. Ramnunpuia chuan goal hmahruai a khung.
Hei hi I-Day champion Police tan Lalfakzuala chuan minute 65-naah a sut.
Minute 70-naah Venghnuai tan innghahna zing ami Vanlalthanga a inlar a. Freekick an hmuh chu a ke veilam in nalh takin a hem lut a. Chakna goal pawimawh a khung.
Mizoram Premier League round 8-ah hian vawiin tlai dar 4-ah Chanmari FC leh Aizawl FC an inkhel dawn a. Naktuk tlai a hun ngaiah FC Bethlehem leh Electric Veng FC an inkhel anga. Zirtawpni tlaiah Chawnpui FC leh Chhinga Veng FC an inkhel ang.