Aizawl : Aizawl dist level standing committe on rationalisation of polling stations-in Aizawl dist-a polling station 19-te siamrem rawtna a thuphungin an pawm a, PS 2 chu zirchian leh turin an ti.
Aizawl dist level standing committe hi nimin khan an chairman, Aizawl Bawrhsap Dr. Lalhriatzuali Ralte hovin an thukhawm a. Aizawl dist-a PS siamrem rawtnate thlir hovin, a thuphungin an pawm a, PS 2 chu zirchian leh turin an ti. Rawtna ang chuan Aizawl dist-a PS 305 awm sa bakah a thar 15 a awm dawn a ni.
ECI duhdanin PS pakhatah voter 1500 aia tamlo tura duhthusam a nih angin, Aizawl dist-a voter 1300 aia tam nei mek PS 19-te chu, voter thar thun belh tur la awm tur nen voter 1500 an pelh dawn avangin then tura rawt a ni a, heng zinga 15 chu PS thar tur an ni dawn a ni. Khawih danglam tur PS te : Leitan Ramthar, Bawngkawn VII, Bawng- kawm VIII, Bawngkawn IX, Ramhlun N’ V, Hun- thar III, Zemabawk VIII, Tanhril III, Ainawn Veng I leh II, Zonuam III, Chawnpui, Dinthar VIII, Dawrpui Vengthar IV, Maubawk IV, Mission Vengthlang V, Bethlehem Vengthlang VI, ITI Veng V leh VI te a ni ang.