Mizo hmeichhe Singer kan neih zing a boruak nei lian ber pawl a chhal ngam Rebecca Lallawmsangi chuan tun kar ni 22, Inrinni zan hian Kolasib Diakkawn YMA Hall ah Concert a nei dawn ta.
Concert- ah hian Guest Artist tur pawh an nep dawnlo. ‘Tui leh mei’ star Saiwanah leh Omomi Khiangte an ni dawn. A pui khawp ang!
Kolasib concert ticket hi Rs 100 leh 200 man a siam a ni a, ticket tam zawk chu hralh zawh tawh a niin hralh loh tlem lei tur a la awm a, ticket lei duh te tan heng dawr – Karen Agency, New Diakkawn,East Trends Street Wear, Diakkawn (Auto Stand hnung), August XIX, Parkawn (Venglai), PL Hardware Banglakawnah te lei tur a awm.
Rebecca Lallawmsangi hian September 30 khan Lunglei ah hlawhtling takin Concert a nei tawh a, an ticket siam 1500 chu an hralh zo vek..
Tun a an concert lehna tur pawh hi a hlawhtling viau tur a ngaih a ni a, Kolasib lam mipui te pawhin an nghakhlel hle tawh a ni.
Bek-i hian a manager JC Mawitea (The Friday Show) hmalak puinain Saitual lamah November thla chhung hian Concert neih leh an tum.