Sri Lanka lakah an spinner Karthik Meiyappan chuan hattrick siam mahse United Arab Emirates tan dan zawh rual an ni lova. Run 79 in Sri Lanka hian UAE an hneh.
Thawhlehni a GMHBA Stadium, Geelong a ICC Men’s T20 World Cup inkhelah Sri Lanka in over 20 chhungin run 152 an siam a. Hei hi UAE chuan umin run 17.1 bak an dam zo lova, run 73 bak an siam thei lo.
UAE bowler Meiyappan hian Bhanuka Rajapaksa, Charith Asalanka leh Dasun Shanaka te a zawnin a vawm out a, Sri Lanka run siam hnem lutuk tur a veng.
Mahse Sri Lanka tan hian Pathum Nissanka chuan run 74 a siam thova. Dhananjaya de Silva chuan run 33 a siam ve bawk.
An bowler zingah Dushmantha Chameera leh Wanindu Hasaranga ten wicket thum ve ve la in UAE batsman ten an ngam lo hle.