Aizawl : H.E. Vinay Kumar, Ambassador of India to the Republic of the Union of Myanmar leh Zo Indigenous Forum (ZIF) hruaitu te chu nimin khan an inkawm a. ZIF hruaitute chuan Mizorama Myanmar raltlante chungchang an ngaihpawimawh zawng leh rawtna hrang hrang an neih te an thlen.
Raltlan te tanpuina awm thei ang ang ngaihtuahpui tura ngenin, harsatna an tawh dan hrang hrang te zau tak leh inpawh takin an sawiho a. Aizawl emaw Guwahati-a UNHCR Office lailawk siam a tul thu an thlen bawk. An thu thlen te chu India sorkar laipui thuneitute a sawipui tur thu H.E. Vinay Kumar chuan a sawi a ni.