Covid-19 leng mek chu India ramah ziaawm lam a pan chhunzawm zel a, darkar 24 liam ta chhung pawh khan a kai mi 1,946 chauhvin an kai tih hmuh chhuah leh a ni.
Darkar 24 liam ta chhung hian mi 10-in an thihpui leh hman anga chhinchhiah a ni a, an zinga mi paruk erawh Kerala-a a hma lama thi tawh, chhinchhiahnaa telh thar an ni a, heng mite nen hian mi 5,28,923-in an thihpui tawh a ni.
Darkar 24 chhunga thi mi palite hi Maharashtra-a mi pahnih leh Haryana leh West Bengal-a mi pakhat ve ve an ni.
India-ah hian Covid-19 laka invenna chu dose vaibelchhe 219.41 pek a ni tawh a ni.
Hri kai hmuh chhuah zawng zawng zat atanga chhutin a kai enkawl lai hi 0.06% an la ni mek a, 98.76% erawh enkawl dam leh tawh an ni.
India-ah hian hripui kai hi mi 4,46,34,376 an awm tawh a, enkawl lai mek erawh mi 25,968 chauh an awm tawh a. Enkawl lai hi a hma ni aiin mi 481-in an tlem leh hman a ni.
Darkar 24 liam ta chhungin sample endik zinga 0.75% chuan hri an kai tih finfiah a ni a, chawlhkar khat liam ta chhunga endik zinga 1.01%-in an kai bawk tih hmuh chhuah a ni.
Hri kai hmuh tawh zawng zawng zinga mi 4,40,79,485 chu enkawl dam leh tawh an ni a, thihpui hi 1.19% an ni thung a. Thi zinga a tam ber, 65% chuang chu natna benvawn nei sa an ni.