Mizoram Premier League champion lai Aizawl FC in tun season-ah pawh an chungnunna an lantir leh a. League inelnaah point nga a hma hruai turin 1-0 in hnehna an chang.
Nilaini ah Rajiv Gandhi Stadium-ah vawi li champion tawh Aizawl FC leh vawi hnih champion tawh Chanmari FC te an inkhel a. Aizawl FC in David Lalhlansanga goal khung chu hnehna chan nan an hmang.
Inkhel a goal awmchhun hi minute 56-na a lut a ni a, David Lalhlansanga hian penalty area chhungah ball lalutin Chanmari defender Benjamin J. Lalrinliana’n a ti tlu a. A penalty hlawhchhuah hi David-a’n a khung.
Team pahnihten goal hlauhawm dang an siam tam lova. Chanmari tana chance tha ber H. Lalmuankima ke atanga chhuak a ni a. Aizawl FC defender Lalmuanawma’n dang lo se a goal ang.
Lehlamah Chanmari goalkeeper Lalrinzuala chuan save tha siam ve bawkin David-a goal khung tur a dang a. R. Lalthanmawia pawhin goal a khung teuh.
Chanmari hian Thawhlehni-ah Police an tum leh anga, Aizawl FC in FC Venghnuai an tum ang.