France leh Chelsea midfielder N’Golo Kante chu a malpui tihrawl hliam zai a nih avangin a chawlh rei a ngai dawn a, kumtawp World Cup a khel dawn lo tih a chiang.
Kum 31 mi Kante hi August 14 a Tottenham nen an inkhelh tumin a inhliam a. Hemi hnu hian a la inkhel leh lo.
Chelsea chuan a hliam zai a nih avang hian thla li vel a chawlh an beisei a. A hliam chu a dam chian theih nan a zai chu player leh club duhthlan a nih thu an sawi.
Ani bakah hian Chelsea player zingah England right-back Reece James chu World Cup a khel thei ang em tih zawhna a awm mek.