Joint YMA, West Phaileng huaihawtin nimin khan W. Phaileng atanga Dapchhuah inkar BRO enkawl, kawng chhe siam hnatlang neih a ni.
He kawng km 18 vela thui siam hnatlangah hian W. Phaileng VC leh New W. Phaileng VC huam chhung bakah a khaw thenawm hnai zual Kawnmawi, Chhippui VC, Teirei VC, Lallen atang tein an thawkchhuak a. SDO (Civil) Lalramliana ho leh sorkar department hrang hrang te pawhin hnatlang te puiin, Dampa bialtu MLA Lalrintluanga Sailo pawhin a pui bawk.
W. Phaileng – Teirei BRTF road pawh nimin vek khan Teirei village council hian kawng chhe zual hnatlangin an siam zui a, hnatlang a thawkchhuak mi 1,000 vel niin, bialtu MLA Lalrintluanga Sailo-in hnatlangte ei in leina atan Rs 10,000 a pe nia thudawn a ni.