Aizawl : Mizoram University-a Mass Communication department, South Asia Women in Media, DST funded Technology Enabling Centre leh UGC Women’s Studies Centre, MZU te tangho chuan nimin khan RD department conference hall-ah ni 2 awh tur Indona leh innghirnghona kara thuthar thehdarhtute mawhphurhna chungchang zirhona an buatsaih tan.
He hunah hian, hmarchhak leh rampum huapa chanchinbumi hriat hlawh tak tak ten zirtirna an pe a, indona leh innghirnghona karah te, ramri buai chungchang leh raltlan chungchangah thuthar thehdarhtu ten thu lai la taka an report a pawimawh thu te, mahni hnam nihna leh ngaihdan dah thaa, tan lam nei lova thudik puanzar chu thuthar thehdarhtu tha te tih ngei tur a nih thu leh remna siamtu an nih theih dan leh thuthar thehdarhtute himna vawnhim pawimawh dan te an zirho a ni.