Congress Thalai MPYCC chuan nimin khan Aizawl Municpal Corporation Asst Commissioner (IT) Property Tax changtu, Vanlalruata chu tun hnaia property tax vawi leh khata san thut chhan an zawt fiah.
MPYCC hian chuan tun hnaia property tax rate thar avanga Aizawl khawpui chhungtin ten property tax sang tak pek an ngaih mek thu AMC hotute hnenah hian an thlen a. Vawi lehkhata tax sang thut lak hian mipui a nghawng nasat dawn avangin mipuite phurrit ziaawm zawnga hma la tur leh an tipung dawn a nih pawhin mipuite hnenah awareness tha zawk leh kimchang zawka kalpui turin an duhthu an thlen a ni.
An thuchhuahah MPYCC hian, Covid-19 hripui avanga ram mipuite ei leh bar zawnna kawngah nunphung pangngaia an la awm kim vek theih loh laia, hetianga mipuite harsatna leh phurrit thlen zawnga sorkar in hma a la thin hi pawi an tih thu an sawi a. Property tax a let 3/4 vel laia tihsan a ni hi tihhniam dan kawng zawng turin AMC MNF sorkar an phut thu an sawi.