Aizawl: Dr Lalhriatzuali Ralte, Aizawl District Bawrhsap chuan halpuah, halmawi, sky lantern leh silai lem (a mu kap chhuak thei chi) te khapna thupek a chhuah.
Bawrhsapin khapna thupek a chhuahah hian Krismas leh Kumthar lo thleng leh turah Aizawl district mipuiten dam leh hlim taka an hman theih nan boruak thianghlim lo leh bengchheng siam thei halmawi leh halpuah te, kangmei chhuah palh thei sky lantern te, mihring leh thil dang tana inhliam phah theih silai lem (a mu kap chhuak thei chi) te chu district chhungah lak luh, zawrh, hralh leh hal leh hman te khap tlat a ni.
Thupek bawhchhia chu IPC Section 188 hnuaiah hrem theih a ni ang. Thupek hi tihdanglam a nih loh chuan puan a nih atanga thla hnih chhung hman tur a ni tih hriattirnaah hian tar lan a ni.