Instagram-ah hian user billiion 1.4 velzet an awm mek vangin bungraw fakna leh zawrhna hmun pawimawh tak ni chhovin, milar leh influencer te sum lakluhna hmun lian tak a ni mek. Virat Kohli leh Priyanka Chopra te chu Asian zinga Instagram-a vawikhat post a, sum lalut hnem ber pakhatna leh pahnihna an ni ta.
Instagram-ah hian follower maktaduai tam an neih chhawr tangkaiin, company lam pawhin milarte chu an thil siam leh bungrua te faktirin, nasa takin sum an lo lalut ve mek bawk a, an inchhawr tangkai thiang hle.
Like leh comment tam dan a zira teh leh buk fo a nih vangin post pakhat hlutna leh mantona hi a inchen lo thei angreng hle a, sum an tawktarh dan te thlengin a danglam thei bawk.
India fachuam leh Indian cricket team captain hlui ni bawk Virat Kohli hi tunhnai khan insta-a a thil vawikhat post keuhah sponsorship atangin $Maktaduai 36.7 a lalut ham ham mai a, helai hmuna milar sum lalut hnem ber pakhatna ni hmanin, tun dinhmunah pathumna a chelh mek. Cristiano Ronaldo leh Lionel Messia te chiah a phak lo.
Bollywood actress, global icon leh Indian celebrity lar ni bawk Priyanka Chopra Jonas pawhin brand lar tak tak- Bumble, Appy Fizz, Schmitten Luxury Chocolates leh a dangte a kalpui mek a, Asian Indian influencer zinga Instagram post-a sum lalut hnem ber pahnihna ni mekin, vawikhat a post keuh hian $423k vel lalut ziah ang a ni bawk.