Aizawl : Mizoram Synod hnuaia board leh committee peng hrang hrang te chu kumina Mizoram Presbyterian kohhran rorelna sang ber Synod inkhawmpui atana inbuatsaih tanin, tun thla ni 17 atang khan an thukhawm tan.
Pension Provident Fund (PPF) board chu thukhawm hmasaberin, Presbyterian communication (PRESCOM) board; Sunday school committee leh Mission board te an thukhawm tawh a. Karleh Thawhtanni-ah Theological education board an thukhawm ang a, a tuk Thawhlehni-ah Hospital board; Nilaini-ah Pastoral committee; Ningani-ah Education board leh Zirtawpni-ah Synod literature & publication board (SL&PB) te an thukhawm ve leh ang.
Mizoram Synod hnuaia board leh committee peng hrang hrang thukhawm hi Synod Moderator Rev. Dr. Vanlalnghaka Ralte-in a kaihhruai thin a ni.