Aizawl : Zoramthanga, Chhinga Veng, Aizawl ami lehkhabu ziak, ‘Zoram zalên nân hming ka sign’ tih chu nimin khan Minister of State, Aizawl East II bialtu ni bawk Robert Romawia Royte-in a pisa-ah a tlangzarh.
Robert Romawia Royte chuan “tunhma chuan chanchinbu atang te, lehkhabu kan chhiar atangte, TV leh radio atangtein hriatna dik leh thu belhchiandawl kan hre thin a, tunah erawh chuan social media hmangin thu belhchiandawllo tam tak kan hre ta a, lehkha chhiarah kan kir leh a ngai takzet a ni” a ti.
Mizo ten independent kan sualna atana hming sign-tu ngeiin hnam rilru leh ram hmangaihna rilru pua ama tawnhriat ngei lehkhabua a ziak hi a hluin a lawmawm tak- zet a ni” a ti a. Hnam fing leh puitling apiangin hnam movement-a inhmangte an dahsangin an hlut tih sawiin, Mizote pawhin hnam puitling leh fing zia zira ram leh hnam hmangaihna dik tak nen hnam movement avanga nunna hlu tak hlantute zaha, a la dam te ngaihglut nachang hriat a tul thu a sawi bawk.
MNF founder President Laldenga nupui Lalbiakdiki pawhin lehkhabu ziaktu Zoramthanga chu MNF dinnaa a sulsutute zinga mi a nih thu sawiin, ama tawnhriat ngei lehkhabua a buatsa- ih thei chu lawmawm a tih thu a sawi bawk a ni.