Aizawl: Excise & Narcotics Department (END) leh a thawhpuite chuan hmun sarihah ruihhlo – heroin leh methamphetamine an man.
END leh Central YMA hnuaia ruihhlo do pawl, Central Anti-Drugs Squad (CADS) te thawkdun chuan Zirtawpni zan dar 7:30 leh Inrinni zing dar 2 inkar khan hmun nga – |huampui, Zemabawk, Bawngkawn, Ramhlun Vengthar leh Bawgkawn (Durtlang Rd)-ah heroin gram 106 leh a neitu nia puh mi pasarih – Lalremruata (26), Muanna Veng; Robert Lallawmsanga (27), Thuampui, CH Section; David Lalhnehzova (36), Khawlian (tuna Bethlehem Vengthla khawsa mek); Lalrohlimi (46), Falkland; Jenny Rothanzami (43), Bawngkawn, Chawngbawla Section; Lalhmunsiami (39), Ramhlun Vengthar; Lalhriatpuii (32), Bawngkawn Halflong nia inchhalte an man.
Zirtawpni vek khan END leh CADS hian Chaltlang Venglaiah heroin gram 76 leh a neitu nia puh mi pathum – Zelsianmung (52), Chhungte, Champhai District; Thangkhenmung (37), Ngaizawl, Khawzawl District leh Lalthakima (40), Chaltlang Venglai nia inchhalte chu an man bawk.
Inrinni khan END leh 2nd Assam Rifles (Lakhimpur Bn) te thawkdun chuan Sakawrtuichhun, Social Guidance Agency Main Gate bulah methamphetamine 14 kgs & 865 grams (1,50,000 tablets) leh heng ruihhlo neitu nia puh mi panga – Lalrinzuala (33), Chhimluang, tuna Vaivakawn Zohnuaia khawsa mek nia inchhal; Kinon Joy (38), Bawngva, Mamit District; Premen Joy (33), Dampa Rengpui, Mamit District; Gelot Lalhruaizela (23), Meidum, tuna Zion Veng-a khawsa mek nia inchhal leh Roborai (38), Chawnpui Road-a khawsa nia inchhalte an man a. Methamphetamine phurhna atana an hman Maxi Cab (Regn No MZ05A/2686) pawh hrensak nghal an ni.
Ruihhlo vanga mante hi Narcotic Drugs & Psychotropic Substances Act, 1985 tlawhchhanin thubuai siamsak an ni a, Special Court (NDPS Act)-ah thawn a ni.