Rangvamuala ram pum huap Zofate Chhanchhuahna Camping, chhawng hnihna chu tan ni leh tawhin, beisei aia tam an lut leh tawh.
Zofate Chhanchhuahna Camping chhawng hnihna hi coupon system-a tih niin, he thu buatsaih lai thleng hian mipa lam awmna chu a khat vek tawh a, sermon hall zatve vel an awh leh tawh, hmeichhe lam riahna pawh a khat titih tawh a, a thawh hnihna atana leng tur zata an ruahman aia tam an luh leh tawh avangin gate khar tawh niin, coupon nei lut an la awm zeuh zeuh a. Chhawng khatna aiin an felfai deuh dawn nia an hriat thu Organising Chairman Rev. Lalzuithanga chuan a sawi.
Pandal far leh siam tulte siamin nimin khan hnatlang koh a ni a, cyclone tleh tur leh ruah tam tham tak sur tura hrilhlawkin nghawng a nei hran lo va, hemi avanga a bika inralrin leh inpuahchah a awm hran lo niin a sawi bawk.
Ei leh in tur thilpek a lut reng a, Tualte Tomato Growers’ Society chuan tomato quintal riat an pe a, niminah Saipum khua atangin saisu, bawkbawn, hmarchate te a trip-in a thleng bawk a, Pathian hnathawh a lang zel tih organising committee chuan an sawi bawk.