Aizawl : Aizawl North-I bialtu MLA Vanlalhlana chuan Durtlang Volleyball Court, MC Hall tualah Martin’s Memorial Volleyball Tournament a hawng.
Hawnna inkhawmah khuallian Vanlalhlana, Aizawl North-I bialtu MLA chuan thu sawiin, “Tunlaiah Mizoramah ruihhlo (drugs) a hluar thar em em a, kan thalai tam tak ruihhlo bawihah hian an tang mek a. Infiammite chu heng ruihtheihthil laka inthiarfihlim tur leh insum turin ka chah che u a ni. Infiamna (sport) hi tunlaiah chuan intihhlimna satliah mai ni tawh loin eizawnna tling a ni tawh a, chuvangin, infiammite chuan hmalam hun eng tak in nei a ni,” a ti.
He tournament hi ni 5 chhung awh tur a ni a, team 14 telin a buatsaihtu Durtlang Volley Ball Club te hi bialtu MLA Vanlalhlana hian tanpuina pawisa a hlan bawk.