Zanin dar 8 atangin Mizoram a muaythai inelna lian semi-final khelh a ni dawn a. Final luh tum fighter-te an inpeih.
Semi-final lut fighter-te hi Thawhtanni zing khan LPS Auditorium, Zarkawtah an an inbuk leh vek a, hetah hian inhmachhawnna hun an nei bawk.
Zanin bout panga awm tur zinga hmasa berah flyweight-ah Joseph Vanlalhruaia leh R Lalbiaktluanga te an intum dawn.
Joseph Vanlalhruaia hi kum 2019 khan national inelna a best fighter ni tawh niin Asian silver medalist a ni bawk a. A khingpui tur hian national huap gold medal pahnih a la ve tawh thung.
Bantamweight-ah Eric Biakthianghlima leh Lalruatkima te an inhmachhawn ve leh dawn bawk.
Kum 15 mi Eric-a hi hmabak nei eng tak niin junior national-ah gold medal pali a la tawh. A tum tur Lalruatkima pawh hi record nei tha tak niin national gold medal pali bakah Mizoram pum huapah gold medal panga a la tawh.
Lightweight-ah Mizoram combat sport a hnuhma nei tha tak Nazareth Lalthazuala leh George Lalmuanawma te an intum ve dawn thung.
Nazareth-a hi kickboxing lama National kickboxing champion of champions ni lai a ni a. Muaythai lamah a mikhual lova, tun inelnaah hlawhtlin a tum hle.
George Lalmuanawma hi national gold medalist niin muaythai national champion of champions ni tawh a ni ve tho.
Welterweight-ah Isaac Lalchhuanmawia leh Malsawmtluanga an intum dawn a. Kum 19 Isaac hi kickboxing a Mizoram gold medal la tawh a ni a. An pahnih hian Muaythai inelna an hmachhawn vawikhatna a ni.
Super middleweight open-ah senior national gold medal 10 la tawh, 2021 World Championship a round of 16 lut Lalthasanga a inlan dawn a. A khingpui tur hi kum 23 mi Roluahpuia niin ani hi Muaythai inelna a tel vawikhatna a ni ve thung.
Semi-final intum tur
(October 25, 8:00 PM Bout : 5)
Flyweight
Bout 89 Joseph Vanlalhruaia (Hunthar) v R Lalbiaktluanga (Zemabawk)
Bantamweight
Bout 90 Eric Biakthianghlima (Thuampui) v Lalruatkima (Falkland)
Lightweight
Bout 91 Nazareth Lalthazuala (Zemabawk) v George Lalmuanawma (Chawnpui)
Welterweight
Bout 92 Isaac Lalchhuanmawia (Chanmari) v Malsawmtluanga (Dinthar)
Super Middleweight (Open)
Bout 93 Lalthasanga Lelhchhun (Tanhril v Roluahpuia (Zemabawk)
Vengthar)
(October 26, 8:00 PM Bout : 5)
Flyweight
Bout 94 Lalngaihawma (Hunthar) v Benjamin Zonunsanga (Luangmual)
Bantamweight
Bout 95 Ramdinthara (Pangzawl) v Isak Lalruatfela (Bethlehem
Vengthlang)
Lightweight
Bout 96 Lalramsanga (Upper Sakawrdai) v Ngursaimawia (Luangmual)
Welterweight
Bout 97 Zarmawia (Chite Veng) v Lalchhuanmawia (Republic
Vengthlang)
Super Middleweight (Open)
Bout 98 R Vanlalmuana (Republic Veng) v David Lalremruata (Zemabawk North)