MZP rorelna sang, MZP Assembly vawi 66-na chu Thawhlehni zan atang khan Liandala Run, Darzoah neih a ni a, nimin khan vantlang inkhawm neih niin Dr. R. Lalthangliana, Health Minister leh bialtu MLA ni bawk chuan khuallian niin hun a hmanpui.
Khuallian chuan kuthnathawh uar thar deuh deuh turin kalkhawmte a fuih a, engkim awlsamna hian mi a tithatchhe ta nia sawiin, mi fate tih theih hi an ti ve thei reng a ni tih hre reng turin kalkhawmte a chah a. Ram tan leh chhungkaw tana chhenfakawm nih tum zel turin a chah bawk.
Zirlai kalkhawmte chu zirnaah tun aia tang tura fuihin sorkar hna lak thenkhatah Mizo dil thei an awm lo thin chu pawi a tih thu leh ram leh hnam tana zirna kawnga than harh a duh thu a sawi a. Hnam dang tih theih hi Zofate pawhin an tithei reng a ni tih hre tur leh theih loh a awm lo tih hre turin a chah bawk.
Nimin vantlang inkhawmah hian MZP President Lalnunmawia Pautu pawhin zirlaite fuihna thu a sawi bawk.