Mizoram Larsap Hari Babu Kambhampati-a’n health department hotute kawmin, mipui hriselna kawnga an hnathawh tha thawkhat mahse, tan lakna tur kawng tam tak a awm thu hrilhin, tan la zel turin a chah.
Larsap chuan, Hea- lth department hnuaia hmalaknate chu state mipui tana thil pawim- awh ber a nih thu sawi- in, Healthcare scheme-a inziaklut an punna tura theihtawp chhuah a tul thu pawh a sawi a. District hospital thenkhatah specialist doctor dah tur an vang chu pawi a tih thu leh he harsatna hi a tuartu chu damlote an nih avangin a rang lama chinfel a tul thu a sawi.
Mizoramah ramhmul damdawi siam tu- ra hmalakna a awm tan chu tha a tih thu sawi- in, Larsap chuan Hea- lth department pawhin Mizo ramhmul damd- awi siamchhuaktu ten certification an neih theihna turin tanpui thei se a duh thu a sawi a. Ramhmul damdawi hriat tlanglawn te chu khawnkhawma, Ministry of Ayush hnenah zirchian tura thehlut turin Health department hotute chu a rawn bawk.
Health department hotute pawhin Health department hnuaia mi- pui hriselna tura state leh central sorkar hm- alakna hlawm lian de- uh deuh Larsap chu an hrilhfiah a. Directorate of Health services, Directorate of Health & Medical education, NHM, ZMC, MSACS leh programme – cell thenkhat hnuaia hma- lakna te pawh Larsap hova sawihovin, central sorkar dawr tulnaah te tanpui turin Larsap chu an ngen bawk a ni.