Mizo Hindi zirlai pawl (MHZP)-in Sa- magra Hindi teacher post 50 hnawhkhah tur diltu zingah document felhlel an awm nia thu an dawn thu an sawi a. An thudawn danin document felhlel nia lang te hi D.El.Ed. documents hmanga diltute an nih thu sawiin, hemi chungchang hi Education Minister Lalchhandama Ralte leh Samagra Shiksha hotute hnena an thlen nghal thu an sawi.
Thuneitute hnena rawt- na an thlen te leh an thil phut te ngaihpawimawh a nih avang leh interview hun tur pawh pawhsei a nih avangin interview neih tan ni nimina interview boycottl an tum pawh an thulh niin an sawi a. Samagra Hindi teacher engemawzat lak an nih tawh hnua post ruak 50 hnawh- khah a ni leh tur chu lawmawm an tih thu an sawi.
Diklo taka thil ti duh an awm nia an hria chu pawi an tih thu leh thil tidiklotu an dem thu an sawi a. Document felhlel hmang an lo awm ngei a nih chuan manchhuaka an phu tawk hremna pe ngei tura sorkar ngenin, hemi chungchanga a hmalakna an enzui zel tur thu an sawi bawk.