Champhai Bawrhsap James Lalrinchhana’n nimin kh- an Zawlsei leh Khuangthing khuate tlawhin, VC leh NGO hruaitute a kawm bakah khawtlang leh sorkar hmunhma pawimawhte tlawhin, thawktute chu an mamawh leh tul dangte a sawipui bawk.
Bawrhsap chuan kh- awtlang hruaitu ten sorkar hmunhma cheibawl leh enkawl kawnga neitu thinlung an pu thin nia sawiin, fakawm a tih thu a sawi a. Thawhhona tha tak vawngnung zel turin a chah.
Zirna tihmasawn tura district education committee-in hma a lak chhoh mek thu pawh Bawrhsap chuan sawiin, Champhai district chhunga zirna in hrang hrangte a tahtawla tlawh zel an tum thu a sawi a. Zirna tihhmasawn nan zirtirtu, nu leh pa leh zirlaite an pawimawh thu sawiin, zirtirtute chu intuaithar thin tur leh nakin lawka ram leh hnam innghahna tur enkawltu an ni tih hriaa an rilruah rualelna dik tuh tum tur te, an mamawh khawp thiamna leh midangte el pha tur zirtirna pek tum turtein a chah a ni.
Champhai Mathematics leh Science-te a theih chen chenah Mizo tawng ngeia zirtir thin turin zirtirtute a chah nghal bawk a. Ruihhlo leh a kaihhnawih laka zirlaite an fihlim theih nan leh sual kawng an zawh loh nan an tualzal nun thlenga chik thin tur- tein a chah bawk.
Bawrhsap hian Govt. Fair Price Shop-te pawh tlawhin, buhfai an neih dan te, an buk dan leh quality-te, an sem chhuah dan leh e-POS machine hnathawh dan te a enfiah a. Antyodaya Ana Yojana (AAY) hamthatna dawngtute pawh a kawm nghal a. Zawlsei leh Khuangthing ramri pawh tlawhin, ramri chungch- anga buaina awmte dan hnuaia chinfel a nih theih dan turte khawtlang hruaitute nen enfiahin an sawiho bawk a ni.