Aia upa zah leh social media hman dana zirlai kaihruai turin zirtirtute chah


School Education Minister Lalchhandama Ralte chuan zirtirtute chu aia upa zahna kawngah leh social media hman danah zirlaite kaihhruai a tul thu a sawi.
Nimina Chanmari YMA Hall-ah Mizoram Secondary School Teachers’ Association (MISSTA) General Conference vawi 22-naah khuallian, Lalchhandama Ralte hian a hmanpui a. Hri len laia zirna kalpui kawngah zirtirtute inpekna kawng hrang hrang avangin lawmthu a sawi.
Minister hian zirtirtu hna chu hna zahawm a nih avangin zirtirtute chu an zahawmna vawng nung turin a fuih a, inpekna thar nen thawk a, hun vawng dik tur te, incheina lamah felfai taka inchei thin tur te, Pathian rawngbawlna a ni tih hriaa naupangte pawh an nungchang thlenga ngaihven tur te, zirlai zingah ruihhlo ti tan an awm thin avangin ruihhlo laka invenna lam zirtirna pawh pe taima tur leh, aia upa zahna kawngah leh social media hman danah zirlaite kaihruai thin turin a chah.
Minister chuan zirtirtute chu sorkar hnathawk an ni tih hriaa conduct rules ngai pawimawh tur te, social media-ah pawh sorkar hnathawkte tih tur leh tih loh tur chinte thliar thiam turin a chah bawk.
MISSTA hian Lalchhandama Ralte chu secondary school tana a hnathawh avangin lawmthu sawina thuziak an hlan a ni.
MISSTA General Conference-ah hian chawhnu lamah an pawl hmalakna tur kawng hrang hrang ngaihtuahin ro an rel a. An thurel zingah hian Govt. High School zirtirtu leh LDC post ruak hi sorkarin hnawh khat rawh se tih te, Govt. High School Headmaster post ruak hi a hma thei ang bera hnawhkhat turin sorkarah thlen ni se tih te, DEO a kaisannaah SDEO leh High School Headmaster promotion ratio 75:25 chu 50:50 a nih theih nan hma lak ni rawh se tih te a tel a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427