BJP Mizoram State President Vanlalhmuaka chuan nakkum MLA inthlan lo awm tur hi retheihna sala tanna atanga Mizoram chhuah hun tur a ni dawn tih a sawi.
An party pisaa chhung inkhawm nimina neihah thu sawiin Mizoram state sorkar hian central programme tihhlawhtlinna tura sum an dawn pawh an ching fel thei lo tih sawiin, “Mi rethei, mahnia in sa thei loten in an neih theihna tura Housing for All atangin central-in pawisa a rawn pe fel tawh a. Mi retheite chanvo pawh chu MNF sorkar hian a pe kim thei lo a ni. MNF sorkarna hnuaia kan awm lai hi ‘hun tha lo’ a ni,” a ti.
Vanlalhmuaka hian, “India ramin kum 1947-ah zalenna kan hmu a, chumi hnuah kum 2014-ah India ramah Modi-a prime minister a rawn nih hnuah retheihna lak ata zalenna kan nei leh a. Mizoram pawh tunah hian retheihna salah a tang mek a. Amaherawhchu, kum 2023 MLA inthlan lo awm tur hi retheihna sala kan tanna atanga Mizoram kan chhuah hun tur a ni dawn a. Chumi atana tawtawrawt hamtu chu BJP kan ni,” a ti.