Mizoram a Muaythai inelna lian chu Zirtawpni zan khan a hmawrbawk a ni a. Final-ah title inchuh bout panga hmuhnawm tak a thleng.
Flyweight-ah Joseph Vanlalhruaia’n Lalngaihawma chu round thum chhungin a hneh a. Hunthar Veng fighter pahnihte hi unau niin a upa zawk Joseph a chak.
Bantamweight-ah Kum 23 mi Lalruatkima’n muaythai thiamna hrang hrang hmang tangkaiin a khingpui a khawih fuh fova, fuh taka hnek a neih thin bakah petin a nghawk bawk. Kum 21 mi Ramdinthara’n ṭum danga a khelh dan a phak lo. Unanimous decision in a tlawm.
Lightweight-ah kum 27 mi Ngursaimawia’n a tawnhriat neih a chhawr a, a champion theih chhan a ni. Kum 25 mi George Lalmuanawma’n a pan tluan a, mahse Ngura’n fing takin a ke hmangin remchang a lo la thin.
Welterweight bout-ah Zarmawia’n a duhthusam tihlawhtlingin thahrui fei leh tharum a neih that a dinchanpui.Kum 24 mi Zarmawia kutthlak a nain a langsar a, thiamna hmang tam a nih bakah hneh taka nuai lai a nei ṭhin a, vir chungin a nghawk fo bawk.
Bout hnuhnung berah knockout a inhnehna awmchhun a thleng a. Lalthasanga Lelhchhun chuan second 27 chhungin a khingpui a ke dinglamin a bekah a pet a. A khingpui hian dinpui zawm tawh lovin hnehna a chang.