Italy a league hmahruaitu Napoli in tlawm an la nei lova. Serie A bikah a zawna match 16 tlawm lova kal tawhin 4-0 in Sassuolo an hneh.
Inrinni zanah Napoli hian Stadio Diego Armando Maradona-ah an mikhualte lakah striker Victor Osimhen hattrick siam an chakpui a. Tunlaia winger ngaihven hlawh ber pawl Khvicha Kvaratskhelia chuan goal dang a khung.
Kum 23 mi Osimhen hian minute 4-na leh 19-na a goal a khung hnuah second half-ah hattrick a siam.
Napoli hi season liamta khan league a an match hnuhnung pali-ah an chak vek tawh bawk.
Goal thum khungtu Osimhen chuan, “Hnehna avangin team ka lawmpui a, kan chakna kawnga kut ka thawh ve thei hi ka lawm. Goal thum han khung hi a nuam hle a, hetianga kal chhoh chhunzawm zel pawh hi ka duh.” tiin an chak hnuah a sawi.
Inkhel dangah che chhia Juventus tan Nicolo Fagioli chuan chakna goal a khung.