Thahnem ngaih a na a, tan a nat bawk si vangin Carrie Underwood fan te an awm hle hle thei lo. CMA award, ‘Entertainer of the Year’ a dawn loh chuan buaina siamah an vau ta.
2022 CMA Awards semna lo awm turah Carrie hian Entertainer of The Year bakah Female Vocalist of the Year leh Musical Event of the Year (Jason Aldean nen) dawng thei turin nomination-ah a awm mek.
Social media lamah Carrie fan te an tang hle a, “EOTY i dawn theih nan kan tawngtai reng a, kum tam i phu tawh a ni. Heng pathum te pawh hi i kutah tlulut tawh tur an ni,” tih te a awm laiin, “EOTY a nih loh chuan buaina siam a ni mai” tia comment rum leh hraw tak tak hmuh leh chhiar tur pawh a tam.
Kum 5 liamta chhunga vawi li ngawt heng category-a nomination dawng pha hian 2021 khan EOTY bikah Luke Combs pha lovin a lo chan tawh.
Tun tumah pawh hian co-host Morgan, Luke Combs, Chris Stapleton leh Miranda Lamber te nen huan khatah an awmho a ni.