Real Madrid in an mikhual Girona an hneh zo lova, La Liga intlansiaknaah point hloh mahse a chung berah an la awm.
Santiago Bernabeu-ah first half-ah goal a lut lo. Second half-ah Vinicius Junior hmangin minute 70-naah Real Madrid in hma an hruai. Mahse he hi minute 80-naah Cristhian Stuani penalty penalty hmangin Girona in an sut.
Real Madrid in striker Karim Benzema awm lohna inkhelah Rodrygo chu tlarhmaah an chhawr a, goal ban pet perin goal a khung teuh. Lehlamah Girona pawhin counter-attack hmangin Real an tibuai ve fo. Captain Valery Fernandez-a’n a tauh goal teuh a, midfielder Yangel Herrera chuan crossbar a pet per bawk.
Real tan Spanish midfielder Marco Asensio chuan goal a khung teuh hnu lawkah penalty a chawi ta zawk a. Inkhel tawp dawn lamah Real midfielder rinrawl Toni Kroos chu yellow card a hmuh nawn vangin hnawhchhuah a ni.