Aizawl : ZPM, Chhipphir group-in Hnahthial district thara Chhipphir khua rinluh a nih chungchangah Chhipphir mipui duh dana hma la turin sorkar an ngen.
ZPM, Chhipphir group chuan Hnahthial district thara Chhipphir khua rinluh a nih avanga December ni 8, 2019-a Chhipphir mipui kalkhawm ten resolution pawma Serchhip district-a awm an duh thu an puan chu ZPM Chhipphir group dinna pawh a la nih reng thu an sawi.
Bialtu MLA Dr. Vanlaltanpuia’n assembly session-ah Chhipphir khua chu Lunglei district-a awm tura a sawi mai pawh Chhipphir mipui zahlohnaa an ngaih thu ZPM, Chhipphir group chuan an sawi a. “Chief minister meuhin a khaw mipuite duhthlanna ng- aihpawimawh tur a nih thu a sawi angin Serchhip district-a awm chu mipui duhthlanna dik tak a la ni” an ti.
ZPM, Chhipphir group chuan December 8, 2019-a Chhipphir mipui kalkhawmte resolution pawm chu hetiang hi a nih thu an sawi – 1) Chief Minister zahawm takin District boundary chungchangah khaw mipuite duhthlanna ngaipawimawh a ni ang tia a lo puan tawh chu a lo sawi ang ngeiin Serchhip Dist-ah awm kan duh ngei tih hi sorkarin min lo hriatsak tur leh min tihhlawhtlin sak ngei se kan ti.
- Serchhip Dist-ah Chhipphir khua hi sorkar deptt. panga ah awmsa a nih ang ngeiin awm tlang law law kan duh a ni.
- Mipui kalkhawmin Serchhip District-a awm kan duh thu hi sawrkarin min tihhlawhtlin sak ngei se kan ti.
- Chhipphir khawtlangin Serchhip District-a awm kan duhna hi a hlawhtling lo a nih chuan a tawp thlenga hmalak ni rawh se tih chu Chhipphir mipuite duhdan a ni.