Bollywood superstar Amitabh Bachchan-a’n Sunday ni a pianga fante hmu a, chibai a buk thin chu mi lo kal an tlem tial tial niin, a sawi.
Hripui leng vanga kumhnih zet a chawlhsan hnu ah kumin April atanga a kalpui lehnaah fan te phurna leh tih tak takn a tlahniam hle, tih a hmu.
Jalsa, Juhu-a a chenna In a Sunday a pianga fan te nena inhmuhkhawmna an neih thin chu March 2020 khan hripui leng vanga a tihtawp hnu ah Maharashtra sorkarin Covid-19 khuahkhirhna a thlah zalen hnu ah a kalpui leh a ni.
Amitabh chuan, “Mi lo pungkhawm an tlem hret hret a, phurna leh takna pawh a kiam zel niin ka hria. Tunhma lama hlim vanga au thin te kha tunah chuan mobile camera-in a thlak danglam ta a, hei hi a chiang tulh tulh mai lehnghal bawk nen, hun hi chak takin a kal zung zung mai a, engmah hi kumhlum tur reng a lo awm love,” tiin blog kaltlangin a ziak.