China sorkarin ramchhunga zero-Covid policy khauh tak kenkawh reng vanga kham ngawih ngawih tawh mipuite chuan 1980s chhoa Mithun Chakraborty-a inlanna hla lar, ‘Jimmy Jimmy’ hmangin Lockdown dodalna an lantir mek.
He hla, ‘Jimmy, Jimmy, Aaja Aaja’ hi Hindi film hit ta, ‘Disco Dancer’ film-a khawvel hriatlar niin, 1982 daih tawha tihchhuah kha a ni a, mahse tunlai hian short video app Douyin (TikTok) kaltlangin China sorkar deusawhna leh nuitzat nan mi tam takin an hmang.
Hlaphuah thiam boral ta Bappi Lahiri kutchhuak hi Parvati Khan-i’n thiam takin a sa a, Chinese (Mandarin) tawng chuan ‘Jie mi, jie mi’ tih hi ‘Give me rice, give me rice’ tih nen thuhmun leh angkhat a ni a.
Lockdown puankhum reng an nih vanga nitin mamawh an lei theih loh dinhmun nen a lo inmil chiah bawk nen, mipuiin sorkar fiamthu thawh nan an hmang rim hle.
China sorkar hian ramchhunga case a tam emaw tlem hle pawh ni se, zero-Covid policty khauh leh rum tak kalpui nghal hmiah zelin, lockdown hmangin a umzui thin bawk a, contact tracing a bei ngawrh bawk nen, mipuiin harsatna an tawk fo thin a ni.